PROGRAMACIÓN DO 1 AO 15 DE DECEMBRO:

Luns 2
16.30 Obradoiro de bicis. Arranxa ou constrúe a teu propio veículo non contaminante de dúas rodas…

19.00 Grupo de xogos de improvisación. Achégate se queres pasar un rato divertido facendo paiasadas…

Martes 3
12.30 Aulas de iniciación á guitarra. Trae o teu instrumento e faremos que sexa algo máis ca un obxecto decorativo…

Mércores 4
20.00 Proxección de “435 dias en huelga de hambre” organizada por Silveira. Despois haberá ceador e coloquio coa presenza do ex-preso Xaime Simón Quintela, recentemente excarcelado tras cumplir 28 anos e 10 meses de cadea pola súa militancia nos GRAPO…

Xoves 5
18.00 Asemblea da casa. Achégate é participa…

Venres 6
14.30 Xantar vegano. Degusta connosco comida libre de morte…

16:30 Aulas de euskera. Mergúllate na lingua e na cultura euskaldun…

Luns 9
16.30 Obradoiro de bicis. Arranxa ou constrúe a teu propio veículo non contaminante de dúas rodas…

Martes 10
12.30 Aulas de iniciación á guitarra. Trae o teu instrumento e faremos que sexa algo máis ca un obxecto decorativo…

20.00 MATCH DE IMPROVISACIÓN. Aínda non están pechadas as equipas, así que se queres participar ponte en contacto con nós…

III ANIVERSARIO DA CASA DO VENTO: (Xoves e venres)

Xoves 12
20.00 Gran Cabaret: música, poesia, malabares, clown, teatro, titeres… E ceador vegano. Se queres ser unha das artistas deste cabaret só tes que dicilo…

Venres 13
11.30 Obradoiro de Seitán e comida Vegana.
14.00 Xantar Vegano.
16.00 Gymkana de Okupación.
18.00 Presentacion da Oficina Galega de Okupacion e da publicación do Manual de Okupacion.
20.00 Dinámica de antipsiquiatria e espazo de reflexión e debate.
21.30 Ceador Vegano e foliada.
22.30 Campionato de Matraquiños, karaoke e máis música.

Domingo 15
12.00 Obradoiro “faino ti mesma”. Como facer unha estufa/cociña con bombonas de butano. (X confirmar)

*Tódalas actividades serán de balde…

AULA DE CRIAÇÃO MÚSICO-LITERÁRIA.

Pretende ser um espaço para a criação artística aunado som e palavra.
Se tens uma ideia musical, um texto, ou simplesmente queres vir a ver que surge e passar um momento agradável entre colegas este é teu espaço.

¿Quando?
Todas as últimas quintas-feiras (Xoves) de mês a partir do 28 de novembro às 20:00 da tarde.
¿Onde?
C.S.O. Casa do Vento, na biblioteca, primeiro andar.

¿Como?
Traz teu instrumento, algo que faça ruído ou algum texto que te apeteça compartilhar.
O resto fica em mãos do destino.

Nova programación

Despois da asemblea extraordinaria do martes pasado, semella que a Casa do Vento ten ánimo de volver engraxá-la maquinaria… Nova xente, novas enerxías e, por suposto, moitas ganas de voltar facer cousiñas. No apartado de actividades permanentes tendes a nova programación que esperamos sexa cada vez máis abundante e mellor…

Martes 12 de novembro ás 21 horas… Asemblea extraordinaria + ceador…

Isto non vai ser un comunicado formal e, aínda que participe dela, non escribo en nome de ningunha asemblea. Somentes vou expresar o que sinto… A Casa do Vento… Apenas catro paredes… E moreas de boas lembranzas. Alí coñecín persoas desas que pagan a pena de verdade, atopei partes de min que tentaban agocharse, mesmo desterrei algún que outro medo… Agora miro ao pasado con nostalxia, xa nada é o que era… Mais a casa segue no seu sitio… Durante case tres anos se apelou a unha conciencia de grupo, unha conciencia de grupo que se instalou no noso interior case sen avisar, unha conciencia de grupo que nos deu forzas en momentos de debilidade, que nos deu tamén a dobre satisfacción da ledicia compartida… Unha conciencia de grupo que hoxe sinto esmorecer… Mais a casa segue no seu sitio… Noutrora roíame a dúbida de se todo proxecto precisaba ter unha liña de traballo clara, un horizonte cara o que camiñar, unha ideoloxía… Agora penso que non hai mellor proxecto que a vida en si mesma, que a única liña de traballo verdadeira é aquela que entende de sentimentos e non de ideoloxías, que aquelas persoas que dan todo por nada son as máis rebeldes… Mais a casa segue no seu sitio… Está farta xa de tanta soidade, de tanto silencio… Farta do po que decora os seus libros, das arañeiras que visten as ferramentas do seu taller… Farta de que o seu matraquiños de balde albisque menos sorrisos que calquera de pago, de que non se valore o feito de relacionarse nun espazo que é unha reivindicación en si mesmo… Mais a casa segue no seu sitio… Segue no seu sitio agardando por alguén que volte enchela de vida, agardando por alguén que comparta con ela algunha ilusión, agardando… Tal vez, por ti…

POR ISTO E POR MOITO MÁIS… ASEMBLEA EXTRAORDINARIA DA CASA DO VENTO O MARTES 12 DE NOVEMBRO ÁS 21 HORAS. PORQUE A OKUPACIÓN BRÍNDANOS A OPORTUNIDADE DE QUE ESPAZOS COMA ESTE POIDAN SER DE TODAS… NON A DESAPROVEITEMOS… ACHÉGATE E PARTICIPA…

Esta vez si!!! Magosto solidario o xoves 24!!!

A Casa do vento vai camiño do seu terceiro aniversario… Case 3 anos nos que se tentou (con mellor ou peor sorte) que fose un espazo no que todas puidesemos compartir inquedanzas e saberes, traballar en conxunto naquilo que nos interesa, ou mesmo divertirnos… Por iso, e porque por desgraza os “centros sociais okupados e autoxestionados” non se manteñen sos, imos levar a cabo este magosto solidario co cal, ademais de pasar un rato agradábel, pretendemos recadar cartos para, entre todas, poder custear os gastos da necesaria reforma na instalación eléctrica. Como xa se dixo neste blogue haberá castañas de balde para todas, música ao vivo, agradábeis conversacións á quentura do lume e, por suposto cea e bebidas a prezos populares… Agardámosvos!!!

Resumo e valoración da primeira aula de euskera

O pasado venres 18 de outubro deron comezo as aulas de euskera na Casa do Vento. Velaquí un breve resumo dos contidos traballados nesta primeira sesión e unha pequena valoración subxectiva dunha persoa (quen escribe) que tivo o pracer de asistir como alumna:

Pronomes persoais tónicos:
eu……………….ni
ti…………………zu (tamén se emprega a expresión coloquial “hi”
el/ela……………hura
nós……………..gu
vós……………..zuek
eles/elas………haiek

Presente de indicativo do verbo ser ( izan ):
ni……………naiz
zu…………..zara
hura………..da
gu…………..gara
zuek………..zarete
haiek……….dira

Presente de indicativo do verbo estar ( egon ):
ni……………nago
zu…………..zaude
hura…………dago
gu…………..gaude
zuek……….zaudete
haiek……….daude

Partículas interrogativas:
quen……………………nor (singular) / nortzuk (plural)
que……………………..zer
como……………………zelan / zer modus
onde…………………….non
cal……………………….zein (singular) / zeintzuk (plural)

Números:
0………zero
1……….bat
2……….bi
3……….iru
4……….lau
5……….bost
6……….sei
7……….zazpi
8……….zortzi
9……….bederatzi
10……..hamar

Posesivos (si, xa sei que non sona moi ben):
meu / miña……….nire
teu / túa…………..zure
seu / súa………….bere / haren
noso / nosa ……..gure
voso / vosa ……….zuen
seus / súas ………haien

Algún adverbio de modo:
ben…………..ondo
mal…………..txarto
regular……….kili-kolo

Exemplos prácticos:
Quen es ti?………………………Nor zara zu?
Eu son Pedro……………………Ni Pedro naiz
Quen son elas?…………………Nortzuk dira haiek?
Elas son María e Laura……….Haiek María eta Laura dira
Como estades (vos) ?…………Zelan zaudete ?
Estamos ben……………………Ondo gaude
Como está a túa nai?…………Zelan dago zure ama?
A miña nai está regular………Nire ama Kili-kolo dago
Onde estás?……………………Non zaude?
Estou en Casa do Vento…….Casa do Venton nago (o “n” equivalería á preposición “en” )
Cal é o seu número?…………Zein da bere zenbakia?

*Obsérvese que:
.Non é imprescincíbel o emprego dos pronomes persoais tónicos cando a forma verbal xa nos informa acerca de quen leva a cabo a acción.
.O máis importante (concepto así un tanto intuitivo) da oración debe de ir xusto diante do verbo.
.Non hai distinción de xénero nos pronomes nin nos posesivos.

Dicir que a idea de colgar neste blogue o traballo realizado nas aulas de euskera corresponde a intención de crear unha escolma con todo o material acumulado e, xa que estamos, facelo de dominio público para que quen queira (mesmo posíbeis alumnas en potencia aínda dubitativas) poida facer uso del. Engadir que cada semana unha alumna distinta ( ou eso espero ) subirá os seus apuntamentos á rede.

É agora xa como valoración persoal direi que me sentín moi cómodo neste primeiro encontro co euskera, pois tanto o grupo como as dúas “profes” (nativas, por suposto) son moi agradabeis. Conseguimos traballar nun rexistro bastante informal, no que tódalas persoas puideron expresar as súas opinións e dúbidas. Houbo unha intención clara, por parte das profes, de que tódalas alumnas participaran de xeito activo, instando en todo momento á practica oral do aprendido. A sensación, me atrevería a dicir que xeral, foi moi satisfactoria pois, a pesares do informal do asunto, coido que avanzamos bastante para ser o primeiro día… Pouco máis que dicir… Animar a toda persoa interesada a que se achegue o vindeiro venres ás 16.30 (prégase puntualidade) e as miñas desculpas polos erros que, case que deseguro, haberá no resumo de contidos…

Magosto aprazado!!! Nova data: 24 de outubro

Por mor da imposibilidade de apañar castañas dabondo vémonos na obriga de aprazar o magosto proxectado para mañá, xoves 17 de outubro, sendo o vindeiro xoves 24 a nova data elixida. Pregamos desculpedes as molestias e animámovos a que non faltedes á cita. Haberá castañas de balde para todas, música ao vivo, agradábeis conversacións á quentura do lume e, por suposto, cea e bebidas a prezos populares…